Makiyajın altında gizlənən psixoloji aclıq
I. Sosial Aspekt: Gözəllik diktaturasının içində qadın olmaq
Qadın hər səhər oyanar, güzgünün qarşısına keçər. Dodaq boyasını ələ almamışdan əvvəl "bu gün necə görünəcəyəm?" sualı beynində dolaşar. Cəmiyyət illərcə bu mesajı verib: gözəl ol, var ol. İndi makiyaj qadının zirehinə çevrilib.
Sosial mediada filtrlər, afiltrli "real" portretlər, reklam təzyiqləri qadına deyir: Təbiilik kifayət deyil. Bəs qadın niyə bəzənir? Çünki bəzənməyə ehtiyacı yox, qəbul olunmaq ehtiyacı var.
II. Akademik Aspekt: Psixologiya nə deyir?
Makiyaj tək estetik deyil, eyni zamanda psixoloji siqnaldır. Psixologiyada bu hal "self-objectification" adlanır — insanın özünü obyekt kimi qiymətləndirmə prosesi.
Bu zaman qadın:
-
Özünü başqaların gözü ilə qiymətləndirir;
-
Makiyajla öz dəyərini "yüksəldir";
-
Daxili güvəni deyil, xarici bəyənilmə ehtiyacını prioritet edir.
Tədqiqatlar göstərir ki, makiyajdan istifadə qadınları daha inamla hiss etdirsə də, bu inam çox vaxt "belə olmasam, bəyənilmərəm" qorxusuna dayanır.
III. İctimai Aspekt: Bədən kimindir?
Qadın bədəni üzərində ictimai nəzarət var. Moda, filtr, estetik əməliyyat — bunlar qadının deyil, cəmiyyətin formalaşdırdığı "gözəllik kodeksidir".
"Bəzənmək qadının haqqıdır" deyilir, amma bəzənməyən qadınlar niyə "baxımsız" damgası alır? Demək ki, bu haqq təzyiqin altındadır.
Qadın bəzənmədiyi zaman yox, bəzənməyə məcbur olduğu zaman azadlığını itirir.
IV. Real Nümunə: Səssiz etiraf
"Makiyajsız özümü görə bilmirəm. Evdə kimsə yoxdursa, yenə dodaq boyası çəkirəm. Sanki, o olmadan yoxam."
Bu qadının səsiylə minlərləri düşün. Bu, sadəcə makiyaj deyil. Bu, görünmək ehtiyacıdır.
V. Alternativ baxış: Azad qadın kimdir?
Makiyaj etdiyin zaman bunu kəs nə deyəcək deyə yox, mən belə xoşlayıram deyə edirsən — azadsan.
Azad qadın:
-
Dodaq boyasının üstündə yox, üzündə gülüş daşıyandır;
-
Güzgünü sehirli deyil, dost kimi görəndədir;
-
Öz səsini makiyajdan üstün tutur.
VI. Nəticə: Gözəllik bir hissdir, rol deyil
Makiyaj bəzənirsən, amma özüvü gizlədirsən — bu gözəllik deyil. Amma makiyaj öz sevgini ifadə ücünücə dəstəkdisə, bu zaman gözəllik bir dil olur.
Gözəllik kirpiklərdə deyil, o kirpiklərin qorumaq istədiyi baxışlardadır. Dodaq boyasında deyil, o boyanı çəkən əllərin niyyətindədir.
shefeq.com deyir:
Makiyaj et, amma unutma: Səni dəyərli edən dodaq boyası deyil, onu daşıyan qəlbindi.
Gözəllik bir ehtiyac deyil. Gözəllik, sən olduğun haldasa, kifayətdir.